Starfsmenn Hey Iceland standa vaktina á World Travel Market ferðasýningunni í London og kynna fyrirtækið með stolti. Fjöldi áhugasamra aðila hafa þegar lagt leið sína á básinn til okkar og fengið kynningu á því fjölbreytta vöruframboði sem félagar Hey Iceland bjóða upp á. Það er ekki erfitt að vera fulltrúi vörumerkis sem stendur fyrir gæði, persónulega þjónustu og ástríðu í öllu sem gert er. 

World Travel Market er ein stærsta ferðasýning í Evrópu og það er dýrmætt að fá að hitta svo marga sem hafa áhuga á ferðalögum til Íslands og fulltrúum erlendra ferðaskrifstofa sem eru að skipuleggja ferðir til Íslands fyrir sína viðskiptavini. Við erum sannfærðar um það að við komum heim með ný viðskiptatækifæri og sambönd sem við munum byggja upp á næstu árum.