Hópur ferðaþjónustubænda fór í þriggja daga ferð til Þýskalands um miðjan nóvember og var gist í borginni Koblenz sem er á mörkum Rínar og Mósel. Ferðin var skipulögð af utanlandsdeild Ferðaþjónustu bænda.

 

Ferðin var mjög vel heppnuð og var félagsskapurinn góður.  Að sjálfsögðu voru söfn og dómkirkjur skoðaðar í ferðinni, farið í vínsmökkun og sameiginlegan kvöldverð. Ekki má gleyma verslunargötunum, kaffihúsunum og veitingarhúsunum og á laugardeginum var fyrsti dagur jólamarkaðanna í Þýskalandi þar sem ýmis varningur er borinn á torg og víða hægt að smakka á hinu hefðbundna Glüh-víni.

 

Að sjálfsögðu er stefnt að annarri ferð ferðaþjónustubænda á sama tíma að ári.

 

Ferðasagan:

Flogið var til Frankfurt að morgni fimmtudagsins 22. nóvember. Á leiðinni til Koblenz var stoppað í bænum Rüdesheim þar sem ferja var tekin yfir ána Rín. Eftir tveggja klukkutíma ferð var síðan komið í Mercure Hotel Koblenz þar sem gist var í 3 nætur.

Inga Ragnarsdóttir var fararstjórinn í ferðinni

 

Víða er vínviður við Mosel og Rín.  Hér er horft niður á gamlan hringleikavang frá tímum Rómverja.

 

Hópurinn í myndatöku við Porta Negra.

 

Gengið frá Porta Negra inn í miðborg Trier þar sem við eyddum um 4 klukkustundum.

 

Hér eru þær Sigurbjörg frá Eyvindará, Bergljót frá Haga I, Erna frá Suður-Bár og Andrea frá Neðra-Vatnshorni fyrir utan safn sem sýndi gamalt baðhús frá tímum Rómverja.

 

Hér eru rústir frá baðhúsi frá tímum Rómverja sem er kennt við Barböru og var fimmta stærsta baðhús í Rómaveldi.

 

Á leiðinni frá Trier var farið í vínsmökkun hjá Klaus Lex í Leiwen.

 

Í vínsmökkuninni. Fjölnir og Þorbjörg frá Hala, Marteinn og Erna frá Suður-Bár, Sigurbjörn og Laufey frá Smyrlabjörgum, Eyjólfur og Ingibjörg frá Hlíð.

 

Í vínsmökkun:  Njörður í Brattholti, Jóhannes á Höfðabrekku, Stefán og Ragnheiður á Ensku húsunum, Lára í Brattholti,  Bergljót og Jón frá Haga I, Ólöf og Matthías frá Skúlagarði.

 

Í vínsmökkun:  Andrea frá Neðra Vatnshorni, Sigurbjörg frá Eyvindará,  Jón og Guðrún á Eldá, Jón og Sigurlaug á Brunnhól og Sólveig á Höfðabrekku.

 

Sævar framkvæmdastjóri að bæta brenni í eldinn.

 

Hér er freyðivín tilbúið til afhendingar á lagernum.

 

Á laugardeginum var frjáls dagur í borginni Koblenz.  Hér erum við á göngu um morguninn undir leiðsögn Ingu.

 

Hinumegin árinnar Rín er virkið Ehrenbreitstein sem var upphaflega kastali byggt af Ehrenbert nokkrum í kringum árið 1000.  Núverandi virki var byggt af Prússum í byrjun 19. aldar sem hluti af varnarkerfi svæðisins gagnvart Frökkum.

 

Hér erum við í Koblenz á "Deutschen Eck" eða þýska horninu a mótum Rínar og Mosel. Styttan er af Vilhjálmi I þýskalandskeisara sem sameinaði Þýskaland í eitt ríki á 19. öld.  Styttan var reist 1897.

 

Á flugvellinum í Frankfurt fyrir heimförina