Félag ferðaþjónustubænda og félagsskapurinn Beint frá Býli fengu um helgina Landbúnaðarverðlaun 2011 fyrir frumkvöðlastarf og góðan árangur.  Veitti Sigurlaug Gissurardóttir formaður verðlaununum viðtöku fyrir hönd félagsins. Verðlaunin voru afhent á setningu Búnaðarþings og afhenti Jón Bjarnason sjávarútvegs- og landbúnaðarráðherra verðlaunin.

Félag ferðaþjónustubænda er félag um 160 ferðaþjónustuaðila í sveitum landsins og vinnur félagið að ýmsum hagsmunamálum félagsmanna sinna og frumkvöðlastarfi. Hægt er að lesa nánar um sögu Ferðaþjónustu bænda hér.
 

Landbúnaðarverðlaunin afhent. Á myndinn eru f.v.: Jón Bjarnason, Sigurlaug Gissurardóttir, formaður FB, Marteinn Njálsson, Sævar Skaptason, Jóhanna B. Þorvaldsdóttir og Guðmundur Jón Guðmundsson, formaður BFB. Ljósmynd: Hörður Kristjánsson